الحوار المتمدن - العدد: 2308 - 2008 / 6 / 10
أنا و أبوي وجدتي
كنا نشرب القهوه بعد صلاة المغرب كعادة العائلة كل يوم , و أثناء كلامنا وضحكنا العالي لاحظت أن والدي ما يضحك و يهوجس
رحت وجلست عنده بعد أن قبلت يده
مضاوي : يبه اش فيك تفكر كثير و لا تشاركنا بالضحك ؟ ؟
أبوي : با بنتي أفكر بها الشركة الجديدة و المساهمة فيها و مني عارف إذا كانت حلال و لاّ حرام ؟؟
مضاوي : طيب يبه تبي مني أن اسأل شيخ أو عالم ؟
أبوي : نعم يا بنتي إسألي الشيخ وشوفي وش يقولك عن الشركة
رحت وفتحت عدة مواقع إسلامية مشهورة بالإفتاء وجدت كل شيخ يقول فتوى تختلف عن الشيخ الآخر عشرات من المشائخ ؟ هذا يحرم و هذا يحلل و هذا يشكك بالمساهمة بهذه الشركة ربوية أو غير ربوية حرام , حلال , الله اعلم !!!! حتى أصبت بالدوار
قررت أن أضع عشرة أسماء مشائخ بطريقة القرعة .. و رحت لأبوي وقلت له
يبه اختر رقم من واحد لعشره ؟
أبوي : ليش يا بنتي؟
مضاوي : اختر ولا عليك , أي رقم تبي .. بسررررررررررررعه ؟
أبوي : كل الأرقام أحبها ههههههههههههه
مضاوي : أنت دايم طيب كعادتك ما تحب تجرح شعور باقي الأرقام هههههه
أبوي : طيب يا بنتي اخترت رقم 7 والشكوى على الله
مضاوي : طيب ...... رقم سبعة اممممممممممم ..... مبرووووك يبه
....!الشيخ (****) يقول بأن المساهمه في هذه الشركه حلال
أبوي : يابنتي وش تقولين فيك شي اصابك الجنون وش سالفتك ؟
مضاوي : يا يبه يا حبيبي كل شيخ يختلف رأيه عن الشيخ الآخر بالفتوى واحد يقول حلال والثاني يقول حرام و هذا يشكك ولا يخفى عليك هالشي وانا بصراحه مدري من اصدق , قلت لنفسي بدل ما ندخل بدوامة حلال وحرام وتشكيك أسوّي قرعة وأي شيخ يطلع بالقرعة نتبع حكمه وفتوته و عليه الذنب !!!ه
أبوي : ها,,,,,, اعرف أنهم مختلفين ولكن لا تصل الأمور إلى هذه الدرجه ؟
مضاوي : يبه حبيبي كل شيخ له فتاوي خاصة! المسلمين متشتتين بين الشيخ فلان وعلاّن والمضحك كل شيخ يشكك بفتاوي الأخر وينقص من قدره وعلمه !!ه
أبوي : نعم يا بنتي هذه من علامات آخر الدنيا !!!! الله يحسن خاتمنا بالشهادة.
ما أدري وش دخل اختلاف الفتاوي بآخر الدنيا
مضاوي: بخبث >>>> يبه سمعت بفتوى إرضاع الكبير؟؟؟؟؟
لما سألت أبوي ها السؤال رن هاتفه , وتدخلت جدتي العجوز وقالت :
جدتي : اشلون رضاعة الكبير الله يقطع ابليس ههههههه يا خزياه الرجل يرضع من الحرمه ؟
مضاوي : أول مره تسمعين هالكلام يا جدتي ؟
جدتي : اول مره يابنيتي ولا عرف شي عنه هو قط بالدين ؟؟ ما نسمعه بالاشرطه ولا (الفتلزيون)>>> تلفزيون يعني
مضاوي : يا جدتي يعني لو انا مثلا مثلا يعني اشتغل بمكان فيه رجاجيل ومختلط اقدر ارضع
زميلي بالعمل عشان يكون محرم لي وما تصير خلوه محرمه بينا
جدتي : هاو>>>( اندهاش) وش تقولين تتكلمين الحقيقه
مضاوي : والله العظيم ياجدتي صحيح الرجال يرضع من صدري ويجيب معه بسكوت ديمه ويرضع مني احلى فطور يا جده ههههه
جدتي : اعوذو بالله منك ومن اللي تقولينه يا بنت , رجال كبير وغريب يرضع من الحرمه ؟ لا الله ولا رسوله يرضى يابنيتي
مضاوي :اممم والله مشكله ( بتنصدم جدتي اذا عرفت ان الحديث عن الرسول ) ,,,,اوكي جدتي بقولك شي بس قسم بالله مهب من عندي , شوفي عائشه رضي الله عنها ارضعت رجل كبير (قلتها وانا خايفه مع انها مذكوره بالحديث)ه
جدتي : يابنت لا تقولين هالكلام وجع يوجع راسك حسبي الله عليك وش اتخربطين انتي يا قليلة مخافة الله !ه
مضاوي: والله العظيم مو مني يا جدتي اقسم بالله شيوخنا هم اللي يقولون كذا والبخاري يقول, انتي وش دراك ياجده انتي لا تقرين ولا تكتبين, انا اعرف وقريت الحديث عن الرسول صلى الله عليه وسلم وش ذنبي اتهاوشيني ماسبيت الاسلام
جدتي : طيب قولي وش قالنا حبيبنا المصطفى
مضاوي : قال الرسول عَنْ عَائِشَةَ أَنَّ سَالِمًا مَوْلَى أَبِي حُذَيْفَةَ كَانَ مَعَ أَبِي حُذَيْفَةَ وَأَهْلِهِ فِي بَيْتِهِمْ فَأَتَتْ تَعْنِي ابْنَةَ سُهَيْلٍ النَّبِيَّ صَلَّى اللَّهُ عَلَيْهِ وَسَلَّمَ فَقَالَتْ : إِنَّ سَالِمًا قَدْ بَلَغَ مَا يَبْلُغُ الرِّجَالُ وَعَقَلَ مَا عَقَلُوا ، وَإِنَّهُ يَدْخُلُ عَلَيْنَا ، وَإِنِّي أَظُنُّ أَنَّ فِي نَفْسِ أَبِي حُذَيْفَةَ مِنْ ذَلِكَ شَيْئًا ، فَقَالَ لَهَا النَّبِيُّ صَلَّى اللَّهُ عَلَيْهِ وَسَلَّمَ أَرْضِعِيهِ تَحْرُمِي عَلَيْهِ ، وَيَذْهَبْ الَّذِي فِي نَفْسِ أَبِي حُذَيْفَةَ ، فَرَجَعَتْ فَقَالَتْ : إِنِّي قَدْ أَرْضَعْتُهُ فَذَهَبَ الَّذِي فِي نَفْسِ أَبِي حُذَيْفَةَ . رواه مسلم في صحيحه (1453
مضاوي : سمعتي يا جدتي هذا حديث امنا عائشه رضي الله عنها
جدتي : والله يابنتي اول مره اسمع الحديث لكن اذا كان الرسول سمح فيه لعائشه لا اعتراض على اوامر حبيبنا رسول الله
إذا رغبتم في معرفة نهاية الحوار، ألقوا نظرة هنا.
زهير عطا سالم
ليست هناك تعليقات:
إرسال تعليق